Myth
“દરેક માણસ પાસે પોતાનું એક મીથ હોવું
જોઈએ.”
આટલું બોલી ને એ ગુસ્સામાં જતો રહ્યો. હું ત્યાં જ ઉભો ઉભો દૂર સુધી એને જતા જોતો
રહ્યો. સ્ટ્રીટ લાઈટની છત્રીઓની નીચે ધીમા પીળા પ્રકાશના વરસાદમાં એ ઓગળી ગયો.
મેં વિસ્કી પીધી, નીટ. આગ લાગી ગઈ ગળામાં , પણ ગમે તેમ કરી ને હું એ ઉતારી ગયો.
એણે જ કહ્યું હતું લાઈફમાં ડખા હોય ત્યારે કોરું પીવું. પૈસા પણ બચે.
થોડા સમય પછી એ વિસ્કી લોહીમાં મળી ગયું અને પછી પુર ઝડપે દોડવા લાગી બધું
જ ગોળ ગોળ ભમી રહ્યું હતું અને ઘણું બધું અટકી ગયું હતું. એ કેમ આવું કહી ને જતો
રહ્યો ? હા મારી પીન હજુ ત્યાં જ ચોટેલી છે. એ મને કઈ ખાસ નથી ઓળખતો પણ અમે વર્ષો
થી ચોક્કસ સમયાંતરે મળ્યા કરીએ છે. અમે પેહલી વાર મળ્યા જયારે હું ૧૨મિ માં
અકાઉન્ટ માં ફેલ થયો હતો. ઘરે થી ફટકા પડ્યા હતા એણે આવી ને કહ્યું થાય થાય શીટ
હેપન્સ , દારુ પી ને બધું જ ભૂલી જવાનું. સાલું દારૂનું જબરું ઓબ્સેશન હતું મને.
હું પણ દારૂ વિષે ખુબ વાંચતો હતો. મજા આવતી હતી. એક્ઝામ ભલે ગમે તેવી જતી પણ મને
એવું જ લાગતું હતું કે “મસ્ત પેપેર ગયું છે.”
એના કારણે હું બીજા લોકોની જેમ આગળ દિવસમાં અટકી નોહ્તો રેહતો, આવનારા દિવસોની
તૈયારીમાં રેહતો હતો. ધીમે ધીમે દારૂ એ મારા દરેક પ્રોબ્લેમનું સોલ્યુશન બની ગયુ હતું. હા, પણ વાત દારૂની નથી મીથ ની છે.
પણ મારી બધી જ વાતો દારૂ સાથે જોડાયેલી છે. એ
લાઈફ ને ખુબ કેઝ્યુઅલ રીતે જીવવા માંગતો હતો, જીવતો હતો. એ એમ કહેતો કે કાલે શું
થશે એ વિચારવાના ચકકરમાં અત્યાર એક પણ ક્ષણ ગુમાવી દેવી એનથી મોટું મૂર્ખતાનું કામ
કોઈ જ નથી. અને વાતો વ્યકત કરવાની એની એક આગવી શૈલી હતી , ઘણીવાર મને ખબર હોય કે આ
સાવ નોનસેન્સ વાત છે પણ એ એને એવી રીતે વ્યકત કરે એ હું એ વાતમાં માનતો થઇ જાઉં.
હું એના ઉપર ડીપેન્ડેન્ટ થવા લાગ્યો. એની એક આદત ક્યારે મને સમજાઈ નોહતી એ દોસ્તી માપતો હતો. એક થી દસના સ્કેલમાં.
અને સાથે મને એ પણ કેહતો “
જે લોકો દોસ્તી માપતા હોય ને એમની દોસ્તી પણ માપની જ હોય, એ લોકો એક બીજાના જીવન
માટે એક ફેઝ હોય બસ બીજું કઈ જ નહિ. પણ આ ફેઝ બહુ જરૂરી છે, આ ફેઝ તમને એ લોકો નું
મહત્વ સમજાવે છે જ્યાં તમારે દોસ્તી માપવી નથી પડતી.” અમારી દોસ્તી માત્ર એક ફેઝ છે એ
સાંભળીને મને દુ:ખ થતું હતું. એક વાર મેં એને પૂછી નાખ્યું
“ તારી બધી વાત સાચી પણ જો કોઈ એક
વ્યક્તિ માટે એ સંબધ એક ફેઝ છે અને બીજા વ્યક્તિ માટે એ ફેઝ નથી તો? બીજો દોસ્તી
માત્ર એટલા આવું બધું કરે છે કેમ કે પેહલા ને ગમે છે, તો ?”
એ મારી સામે તાકી રહ્યો, અને પછી કઈ જ બોલ્યા વગર સિગરેટ પીવા
લાગ્યો. એ દિવસે એણે મારી સાથે આંખ નોહતી મળાવી. એ દિવસે અમે બંનેવે એકલા પીધું ,
એ પણ કોરું.
એ દિવસે કદાચ અમને બેવ ને સમજ આવી કે
“દારૂ પીવાથી દુઃખ ઓછું થાય છે એ મીથ જ હતું."
Comments
Post a Comment